<<< ABBASTANZA . >>>
…………………………….
1
N’averaghju fatt’abbastanza
Mi ne dicenu cusi puru
Ma nun sera cu bon’ crianza
Per unipoghi di siguru
S’ellu pruisce una cria
L’embiu si di sta puesia .
2
Or’ quantunque si ne capisce
Pogu li preme a mo’ rima
Chi pe’ vulènne cumparisce
Seguita l’indule di prima
Senza cambiànne per manera
Cu ‘ssa moda di strampalera .
3
Avà d’accordu qui sò tutti
Sfughendusine cu l’imbiglia
Nun li piäcenu ‘ssi prudutti
Di stu corsu chi smaraviglia
E pe’ rompe ‘ssa tradizione
Si n’appiglianu cu passione .
4
Per sta lingua di naturale
Nun facenu tamanta spicca
Parlendu e scrivendu male
Di più tantu nu ponu micca
Ne pensanu tutt’in francese
Po’ traducenu cu l’offese .
5
Cu ‘sse millaghje ‘ssi filari
Nu strufulate d’impinnera
L’aghju lentati pari pari
Dinu nemancu cu straziera
Chi novanta duie stampate
`Sse puesia sò cuntate .
6
Probiu pe’ dìlla cu franchezza
Parechje sò nu l’ammansate
Belle tutte di gran’ richezza
Stendune si sempr’allibrate
Ma cusi più di sette centu
Cu ‘ssi tituli d’accunsentu .
7
Nun mi gärba d’esse spunziatu
Per di pretesa cu ‘ssu fume
Si magaru sò passiunatu
Pensendu di fàlline lume
Sippur’azzizzatu cu l’estru
E discioltu di ‘ssu cabestru .
8
Dipoi più di cinquant’anni
Sempr’inzirmatu sò puetu
Assestendumine di panni
Per furtuna nun stò daretu
Chi nu l’infattatura l’ärte
Cusi per me mai scumpärte .
9
Nu l’annata cinquanta quattru
Prumaticciu prestu sò statu
Mi ne sfugava digià sgualtru
Da zitelett’agalabatu
In culleggiu cu puesia
Tra di CORTI dop’a BASTIA .




10
Cu ‘ssu cumbugliu di ‘ssu logu
I mo’ scritti ma spergugliati
Cunsumati ne sò cu fogu
E bè di si micca francati
Pe’ cuntàbbilla possu pente
D’un sapèlli manc’a l’ammente .
11
Toccu nu l’annu sessant’ottu
Quandu mi febbinu ‘ssa chjama
Tandu si cum’un pullastrottu
Impinnendu torna cu brama
N’aghj’avutu di grazia laziu
Pur’ d’un patene nisun’ straziu .
12
Di serata per cumpagnia
Nu « Cercle Culturel Bastiais »
Cu ‘ssi pieni di niscentria
Parechje volte ci stava bè
Fenduli senza ‘ssu rimorsu
A so’ = prima Scola di Corsu = .
13
U mo’ ricordu di Babbone
Per finì ‘ssu sessanta nove
« PEPPU FLORI » quell’omatone
Bon’ puetu cu ‘ssu cummove
M’ha priguratu d’un piattàllu
Perche valia di stampàllu .
14
Si da ‘ss’epuca di memoria
Quarant’annate sò passate
Ci ne contanu quesse gloria
Ma d’avèllemi publicate
‘Sse scritture di puesia
Nu ghjurnali per curtesia .
15
Ne sò vinti sei ‘ssi ghjurnali
E un situ d’ordinatore
Innacquendune fiuminali
D’un schizzillame stampadore
Centu novanta duie volte
Cu e mo’ rime pur’accolte .
16
Sippuru sempr’appassiunatu
Di ‘jornu po’ di seratina
Possu dìlla mi sò sfugatu
Cusi cu più d’una trentina
Di ‘ssi pueti bè di trinca
Nu ‘ssa pieve o ‘ssa piaghjinca .
17
Stendumine for’ di mancanza
E per casu dinu cu stintu
Chi « quellu pogu d’abbastanza »
Si di veru tracorre fintu
Ci tenissinu l’omatoni
Chjamati si prufessuroni .
18
Seguitendu l’usu francese
In lingua corsa mancu preme
D’infattàssi cu ‘sse pretese
A capìlla sera pe’ teme
Chi pur’impennu di più tantu
Ma stu parlà po’ mi ne vantu .

== JAMES STUART .. 24-03-2010 . ==