<<< U BON’ CORE . >>>
……………………………….


Or’ magaru nisunu more
Campendune cu batticore
Ma cusi pur’a tutte l’ore
Finch’ellu pò tene `ssu core .

Si per di vita tantu vale
U rompicore face male
Quantunqu’a l’ Omu naturale
Dinu bè fattu tal’e quale .

Si per di più cu bullore
Li piglia l’estru di tracorre
Tandu di fattu pe’ succorre
C’è gran’ sussuru cu timore .

Probiu forte cu tanta stizza
Chi per di veru li s’arrizza
U bon’ core nemancu scrizza
Per quellu soga chi s’azzizza .

U bon’ core bè cume prima
Per disgrazia pogu s’accima
E `ssa manera nun l’inzirma
Si parechji nun sò di stima .

L’ Omu dinu chi ghjé scurrettu
S’ell’unn’ha core ne rispettu
Per di siguru pett’a pettu
Nun pò dà un palmu di nettu .

Quantu forse seranu franchi
Cu `ssu bon’ core mai stanchi
Pe’ mantene `ssi capibianchi
E `ssi zitelli sempr’a fianchi .

Cu `ssu bon’ core si pò bè fà
Quandu di bon’ core ghjé pe’ stà
Ma senza `ssu core chi si sà
Si ne pò guastà l’ Umanita .

°°°°°°°°°°°°°°°°°°°°°°°°°°°°°°

== JAMES STUART . ==
……………………

Maria Ghjulia marzu 2010