A MUNTAGNA

Sò spaisati unu à unu per andassine à stantà pane luntanu da a terra nativa . Di a cità è di so secreti, di formiccà è di siné, ne sunniavanu da mondu tempu. Ùn era manc’appena originale, quandu i vechji si struvinavanu e labre d’una smanicata ! Sapianu quand’ellu ci vulia à tumbà a quaglia o u pernicottu è manghjà casgiu caprunu.

Eppuru a muntagna hè bella ! Cum’è si pò pensà, videndu qualchì rundinella, chì u vaghjime s’hà da affaccà !

Inc ù e mani, annant’à i capi, avianu cullatu mure, finu à cime di cullettule.
Pocu impreme ghjorni è anni… s’è l’anima hè di bella nascita,
nurchjata cum’è un ceppu vignaghjolu !
A furesta supraneghja e vigne, u vinu ù sarà più suttiratu ; ghjera vera vinetta,
ma facia, à voline più, vechjaconi di cent’anni, quand’ellu ùn vi davu u giracapu.

Eppuru a muntagna hè bella ! Cum’è si pò pensà, videndu qualchì rundinella,
chì u vaghjime s’hà da affaccà !

Duie capre è qualchì muntone, un annu bonu è l’altru nò … Senza nè vacanze nè uscite, e giuvanette cercanu à ballà. Nunda di più normale chè di vulè fà a so vita ! Vita di fliccu o funziunariu, aspettendu scugiuratu, d’esse ritiratu… Bisogna à sapè ciò ch’ellu piace è entre in u so casale à bon pattu, à manghjà pullastru contrafattu !

Eppuru a muntagna hè bella ! Cum’è si pò pensà, videndu qualchì rundinella, chì u vaghjime s’hà da affaccà !

(Adaptation-Marianghjula ANTONETTI-ORSONI-Mars 2010)

 

«  A mo muntagna »

MOLTIFAU