<<< SENTU L’ ACELLU . >>>
……………………………………..



Si da u mo’ purtellu
Sentu cantà l’acellu
Soga ‘ssu tempu chjaru
Per tantu spampilleghja
Cusi stendu be’ paru
Quand’ell’ ariuleghja
Cu ‘ssa Natura sana
Dinu chi s’alluntana .

Sippuru pe’ l’incantu
Si spärghje ma ‘ssu cantu
Chi pare maraviglia
Sfugatu schettu schettu
E circhendu sumiglia
Nun ci n’è di più nettu
Po’ dolce cu ‘ssu tonu
Or’ probiu si pe’ donu .

Nun mi stancu di sente
S’ellu cambia l’accente
L’incantesimu tene
Dendumi ’ssu gran’ piäcè
Tant’e più quandu vene
‘Ss’ acellu davant’a me
Pe’ cantà cu ‘ssu laziu
Puru be’ senza straziu .

Acellu sempre caru
Chell’un sippje disparu
Cu ‘ssi canti d’amore
Chi piäcenu per tanti
Si magaru pe’ corre
Ne simu cu l’incanti
E tandu l’armunia
Po’ dàcci l’allegria .

°°°°°°°°°°°°°°°°°°°°°°°°°°°°°

== JAMES STUART .