 |
 |
 |
 |
 |
 |
 |
 |
<<< STA VOCE . >>>
…………………………...
Prima d’andà per l’altru Mondu
Ch’elli ne sentinu sta voce
Si tanta ‘jente nu circondu
Ci feria segnu di croce
Cu ‘ssa primura di ‘ssa gloria
Cantendune puru vittoria .
Per di siguru ghjé be’ lesta
Ma cu faccende pe’ cummandà
Da l’imbiglia po’ manc’onesta
Ne pare pronta pe’ tramandà
Stu parlà schettu naturale
Pigliendu l’embiu chi nun vale .
Sta Lingua Corsa s’ella more
Una mansa di furbantoni
Li ne conta sippuru l’ore
Chi s’ell’eranu sapientoni
Or’ micca tutti sbaccunacci
Stanciavanu ‘ssu stacci stacci .
Nun c’è più tantu rispettu
Cu ‘ssa voglia d’essene fieri
Senz’avènne dinu l’affettu
Ranghisgiendu cu l’ingegnieri
Per di staccàssine di l’usu
S’imbuffaneghjanu ‘ssu musu .
‘Ssu riacquistu forse stranu
Nun vene cu benedittinu
Stu dettu vechju paisanu
D’accuppiàssi cu ‘ssu mischinu
Ne sparlaccieghja di ribattu
Cume ‘ssu pidochju rifattu .
Cu tamante mazzabugliate
Chi ne sera per l’amparera
Parechji cu sentunighjate
Li piäce pogu ‘ssa manera
Si perciondi sempre viziosa
Ghjé per casu tradimentosa .
°°°°°°°°°°°°°°°°°°°°°°°°°°°°°°
== JAMES STUART . ==
20 – 6 – 2009 .
………………
Quantunque tanti prufessori
D’indittànne sô strampalati
Nun s’affiaccanu cu sudori
Spurgulendu l’imbuccatoghje
Chi li parenu ghjuvitoghje .
Probiu ‘ssi nomi s’o dicesse
Di tutti quessi bernagali
D’accuppiatura ponu esse
Scappati da ‘ssi mandriali
Po’ di ‘ssi paesi di quallà
Francatu ‘ssu mare chi si sà .
Ch’ella scuppessi ‘ssa saetta
Pe’ scunfinîlli nu l’abbissi
Cusi tandu ci sera detta
Quant’elli facenu subissi
Ma l’omacci chi sô ghjelosi
E cu gärbu trafunchjulosi .
Nun sô soli pe’ fànne danni
‘Ssa pulitica c’è di veru D’accunsentu cu ‘ssi furdani
Intisgiti per quellu neru
Senz’avè trizini d’amore
Nemmancu brama di l’onore .
Impennu dipoi tant’anni
Cu ‘ssa Musa chi mi n’affianca
Castigatu da ‘ssi malanni
A mo’ stizza nun si ne stanca
S’o vegu chi l’antigu stintu
Nu l’ärte d’oghje pô stà fintu .
Ne sippjenu puru zirbati
A guaru tutti nu l’infernu
Cu topipinnuti lentati
L’omi falzi di ‘ssu sguvernu
Chi s’o parlu corsu cu l’estru
Nun mi mettenu ‘ssu cabbestru .