PER PASQUALE PAOLI poesie de GHJACUMU STUART,musanostra

** PER PASQUALE PAOLI **

Cusi per casu s’ellu si ne vene omu a trattà
di : « Filippu Antoniu Pasquale PAOLI » ,
mi si pare primurosa di ten’a mente a Storia .
S’o ne facciu stu ricordu or’ cume prima
possu dìlla quantunque cu a miò rima :

1.
Omone di gran’ talentu
Omone colmu di virtu
Di siguru nun s’è spentu
Si oghje qui nun ci sì più
`Ssu rispettu che tu sai
Bè per te ma più che mai .
2.
Pe’ scumbatte cu primura
Sempre prontu ti si trovu
Nu `ssi monti di l’altura
Po’ dinu in = Ponte Novu =
Cu l’azzuffu bellu forte
Senza teme malamorte .
3.
Di Corsica spatriatu
Per tre volte bè luntanu
Nemancu si n’è strappatu
Di fiatu `ssu core sanu
In brama po’ cu l’amore
Ma per tanti cu bullore .
4.
Si mortu in Inguilterra
E si statu sutterratu
Staccatu di a to’ terra
Nu `ssu situ signalatu
Campusantu per u spaziu
Di a Chjesa San Pancraziu .
5.
Un munimentu d’onore
In Westminster l’abbazia
Ci ne stà per u splendore
Ò ! per tutti cusi sia
Un mudellu di passione
Pe’ salvànne a Nazione .
6.
Pe’ mantene `ssa memoria
A veghja di San Pancraziu
= Foghi Paoli = per Gloria
I piccianu cu gran’ laziu
In Morosaglia paese
Tantu si per te palese .
7.
E to’ osse sò vultate
Da culandi nu `ssu latu
Po’ ne sò accullucate
Nu `ssa casa chi si natu
Riverite cu fervore
Magaru senza timore .
8.
Avà pronti si ne festa
Di cent’anni `ssu ritornu
Un populu si n’assesta
Per sulenne cu `ssu `jornu
E sippuru di cuscenza
Face soga cu sperenza .
9.
U to’ nome nun si more
Chi ne corre cume fogu
Bon’ parechji di bon’ core
Ponu sente ogni logu
`Ssa rinoma di = Liberta =
Chi suttrenna l’ Umanita .

°°°°°°°°°°°°°°°°°°°°°°°°°°°

* 25-8-1989 . GHJACUMU STUART *

dettu : « JAMES STUART » .