A VOCE DI CARLU ROCCHI .

Or’ cu l’embiu probiu di prima
Ne vogliu dì cu gran’ rispettu
Chi sempre si n’avia stima
Po’ tamantu quessu l’affettu
Per « CARLU ROCCHI » cu `ssa voce
Travuccata nu tante foce .

Nun mi puderaghju scurdà
Di e so` belle ricuccate
Ch’ellu ci sfugava pe’ cantà
Cu `sse parulle stagliate
Di siguru cu l’armunia
Per di veru chi ne piäcia .

Dipoi più di cinquant’anni
Quandu ch’o n’era pullastrone
Tra di tutti quelli catagni
Ci sentia e so’ canzone
Per di fattu cu `ssu bon’ spiccu
Cume di me vallerustincu .

A mo’ mamma LERIA chjamata
Nu `ssu TRIBBIU di SAN LURENZU
Di `ssi FILIPPI cu casata
L’avia intesu bè nenzu
Cu `ssa voce cirimuniosa
Ma `ssu ‘jornu ch’ella fù sposa .

« CARLU ROCCHI » per me ghjé caru
Perciondi chi bon’ canterinu
Poghi ne sò di u so’ paru
Da luntanu o più vicinu
E u so’ nome cu `ssa gloria
Ch’ellu ne sippje per memoria .

Mandu e mo’ parti sinceru
A tutti si di a famiglia
Sapendune chi l’addisperu
Per di strazziu li si n’appiglia
Nu sta Natura ogni volta
Dendu ‘ssa morte cu `ssa sciolta

 

JAMES STUART .

Publié le 07 frévrier 09